Gweinidog dros Dreftadaeth – Alun Ffred Jones yn ol yng nghanolfan grefftau Rhuthun

Wythnos yma bydd Alun Ffred Jones AC yn ymweld a chanolfan grefftau Rhuthun. Yn mis Rhagfyr 2008 anrhydeddodd Rhuthun a’I bresenoldeb o’r blaen gan iddo fod yma yn agor yn swyddogol y Ganolfan Grefftau’. Dydd Gwener yma y 26ain y fo fydd y gwr gwadd yng nghinio lansio ymgyrch etholiad Plaid Cymru Gorllewin Clwyd.

Mynegodd Llyr Huws Gruffydd ymgeisydd Plaid Cymru yn etholiad San Steffan ei fod yn filch dros ben o feddwl fod y Gweinidog Treftadaeth wedi medru gwneud amser I annerch yn Lansiad ymgyrch Plaid Cymru yn Ngorllewin Clwyd:

“Mae Alun Ffred Jones I’w edmygu am ei barodwydd I fod yn siaradwr gwadd, a chroesawyd y newyddion yn fawr iawn gan fod yr holl docynnau I’r cinio wedi eu gwerthu.

“Wrth gwrs yr oedd Alun Ffred Jones yn dilyn gyrfa lwyddianus iawn cyn mentro I’r byd politicaidd gan ei fod wedi body n adnabyddus am ei gyfraniad I fyd ffilm a theledu.

“Dyma ein Lansiad ffurfiol ar gyfer yr etholiad, ond bydd y naws yn ysgafn a hwyliog, gan y bydd Alun Ffred yn ei ffordd ddigyffelyb yn son am ei yrfa ym myd ffilm a theledu yn ogystal ei swydd fel gweinidog treftadaeth yn Llywodraeth Cymru’n Un – a phwy a wyr efallai y cawn glywed am wleidyddiaeth parti hefyd.”

Cynleir y cinio yn Café R yn y ganolfan grefftau, Heol y Parc, Rhuthun.

Dydd Gŵyl Dewi / St David’s Day

Roedd hi'n hyfryd bod yng nghwmni aelodau Plaid Cymru yn Rhuthun ddydd Sul am de prynhawn fel rhan o ddathliadau Gwyl Ddewi.

Mae'r gangen wrthi'n ddyfal yn ymgyrchu ar gyfer yr etholiad, ac ar ol ei gor-wneud hi efo'r sgons a'r bara brith mi fydd hi'n dda gen i wneud ychydig o gerdded wrth ganfasio wythnos yma!

It was great to meet up with Plaid members in Ruthin on Sunday for afternoon tea as part of our St David's Day celebrations.

The local branch is already campaigning hard for the forthcoming election, and after over-indulging on scones and bara brith it'll be good to pound the streets again this week!

Siom wrth ddarganfod bagiau elusenl

Mae ymgeisydd Plaid Cymru yng Ngorllewin Clwyd Llyr Huws Gruffydd a thrigolion yn Erw Goch, Rhuthun wedi mynegi eu siom o ddarganfod fod bagiau oedd i gael eu dosbarthu i dai lleol ar ran Barnardo’s Cymru wedi cael eu taflu i fin sbwriel – a hynny fe ymddengys gan y person oedd yn eu dosbarthu.

LLUN: Llyr Huws Gruffydd a Michelle Jones (un o drigolion Erw Goch) gyda rhai o’r bagiau elusen a gafodd eu gadael.

Dywedodd Llyr, a fydd yn ymgeisydd dros Blaid Cymru yn yr etholiad cyffredinol:

“Tynnodd rhai o drigolion Erw Goch fy sylw at ddarganfyddiad nifer o sachau casglu gyda manylion Barnardo’s arnynt. Dyma’r math o fagiau a ddosberthir yn gyson gan nifer o elusennau sy’n casglu dillad ac eitemau eraill megis nwyddau cartref.

"Roedd ‘na siom mawr y gallai rhywun oedd yn casglu ar ran elusen wneud y fath beth, ac roedd rhai’n gofidio y gallai’r bagiau fod wedi cael eu gadael gan unigolion yn gweithio i gwmni anghyfrifol allai fod yn gweithredu scam.

"Unwaith death hyn i’m sylw fe gysylltom yn syth â Barnardo's Cymru, a gadarnhaodd mai eu bagiau hwy oeddynt."

Dywedodd un o’r trigolion lleol, Michelle Jones, ei bod yn flin iawn pan ddywedodd cymydog wrthi am y darganfyddiad:

"Roedd fy nghymydog yn cadw llygad ar y tŷ drws nesaf tra bod y perchennog oedrannus i ffwrdd, ac fe ddaeth o hyd i lwyth o fagiau Barnardo’s yn y bin sbwriel. Mae’n ymddangos fod y person oedd yn eu dosbarthu wedi penderfynu peidio trafferthu mynd â nhw i rhagor o dai yn y stryd gan eu gwaredu yn y bin.

"Mae’n warthus bod rhywun sydd i fod yn gweithio ar ran elusen yn medru gwneud rhywbeth fel hyn. Pwy a wyr nad oes rhagor o fagiau wedi cael eu taflu i ffwrdd yn rhywle arall, ac mi fydd Barnardo’s o ganlyniad yn colli allan."

Ychwanegodd Llyr:

"Roedd Barnardo's Cymru yr un mor siomedig â ni. Rwy’n deall eu bod yn cymryd camau yn syth i geisio olrhain pwy oedd yn gyfrifol am hyn gan ddweud y byddan nhw’n delio â’r mater mewn modd addas.

"Mae’n drist a dweud y lleiaf bod rhywun yn medru gwneud hyn, yn enwedig ar adeg pan fod elusennau’n gorfod chwilio’n ddyfal am gyfraniadau. Mae Barnardo’s, sy’n gwneud gwaith ardderchog yng Nghymru, yn amlwg wedi colli allan ar gyfraniadau posib fan hyn.

"Rwy’n gofyn i unrhyw drigolion eraill yn Rhuthun a threfi eraill yn yr ardal i fod yn wyliadwrus rhag ofn bod rhywbeth tebyg wedi digwydd yn eu hardal nhw, ac os ydyw, i gysylltu â Barnardo's Cymru."